Cebuano News: Mga mananaog sa Mt. Hibok-Hibok triathlon giila

Standard
MAMBAJAO, Camiguin, May 9 (PIA)— Alang sa pagpalig-on sa turismo sa pagpaugnat sa kusog sa probinsya, ang Promote Camiguin inubanan sa munisipalidad sa Mambajao ingon man ang pangprobinsiyang gobyerno sa Camiguin nagmugna sa ikatulong Mt. Hibok-Hibok Triathlon niadtong Mayo 6-7.
 
Hapit 75 ka partidista sa pagpaugnat sa kusog ang misalmot sa swimming, biking ug running na mga kalihokan karong tuiga. Ang maong sangka gisugdan sa 1.5 kilometro nga lumba sa langoy didto sa White Island nga nahimutang sa Yumbing, Mambajao ug gisundan kini sa 64 kilometro nga kalihokan sa biking libot sa maong isla ug 10 kilometrong pagdagan ngadto sa Yumbing, Baylao.
 
Si Gilbert Grado, ang sports coordinator sa local na gobyerno sa Mambajao, miingon na gitinguha usab sa maong triathlon ang pag-18342049_1911678375741886_8291594256156511158_n.jpgamuma sa healthy lifestyle sa mga kabahin sa maong isla ingon man ang pagpalambo sa mga kabatan-onan.
 
Karong tuiga, nakuha ni Brian Borling sa Omega Tri Team ang overall championship sa men’s category sa dihang iyang natapos ang maong lumba sulod sa 2:59:05 oras. Gasunod kaniya mao sila Jonathan Pagaura sa TriBohol na mingtapos sa lumba sulod sa 3:07:39 oras ug si Mark Balanay na adunay 3:08:21 oras.
 
Alang sa women’s category, nakuha ni Leyann Ramo sa Iligan Arcgangels ang overall champion sa dihang iyang nahuman sulod sa 3:13:58 ka oras ang maong lumba. Si Sittie Amina Dimaporo sa Lanao del Norte Tri ang nakakuha sa unang pwesto sa iyang oras nga 3:33:45 samtang sa ikaduhang pwesto mao si Jenefer Paloma sa Tri Mamba na adunay oras nga 3:43:57 ug si Danica Rose Peligrino sa GTRI/GUMA sa iyang 4:33:54 oras.
 
Nagkalain-lain usab na mga kalihokan ang gimugna base sa mga edad sugod sa 24 paubos hangtod sa 50 pataas.
 
Nakuha ni Bartolata ug Jeffrey Real sa TriBohol ang unang pwesto sa kalihokang relay human nila taposa ang lumba sulod sa 3:15:49 oras. Gisundan kini nila Alex Dvorkin ug Lain de Joux na gikan usab sa TriBohol (3:17:24), ug nila Roldan Chan ug Romeo Rago sa LGU Mambajao (3:39:38). (RTP/PIA10)
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s