Cebuano News: Camiguin gahisgot sa ASEAN nga kahigayonan, gaani sa unang tubo

Standard

MAMBAJAO, Camiguin, August 30 (PIA) – Pagsaka sa turismo taman 11 ka porsyento, pag-abot sa fast craft karong Nobyembre ug pagdaghan sa mga flights gikan Cebu padulong Camiguin karong Disyembre mao ang mga kinalabwan nga kalambuan nga giila sa kagamhanang probinsiyal isip positibong mga epekto sa Association of Southeast Asian Nations (ASEAN) sa probinsiya.

 

Si Mambajao Municipal Mayor Jurdin Jesus Romualdo miambit niadtong ASEAN Multi-Sectoral Forum, Agosto 25 nga ang probinsiya, isip giila nga 10th most competitive province sa nasud, malatngonong nagpakita ug ekonomikong kabisog.

 

“Economic dynamism means that we are ready in ASEAN and all the country to receive investors in our LGU (local government unit) (Ang ekonomikong kabisog nagpasabot nga kita andam na sa ASEAN ug sa tibuok nasud nga mudawat ug tigpamuhunan sa atong kagamhanang lokal),” gisaysay sa mayor.

 

Iya usab giingon nga kung dili magpalupig ang nasud sa ASEAN, iyang ikonsiderar ang bukas nga ekonomiya kay kini mu-abri sa mga ganghaan sa wala’y limit nga kahigayonan labi na sa paggama ug mga trabaho.

ASEAN Awareness.jpg

Kalambuang probinsiyal

 

Kung hisgutan ang ekonomikong kahigayonan, ang mayor miambit nga gidahom na nila ang pagdaghan sa mga tigpamuhunan sa probinsiya lakip na ang pagtukod sa duha ka mga hotel, supermarket, drug store ug uban pa.

 

Ila usab nga gaayuhon ang runway sa airport aron mapahiluna ang gadaghang lokal ug langyaw nga mga turista sa lugar.

 

Si Civil Aviation Authority of the Philippines Provincial Manager Napoleon Bael miingon nga aduna’y kasarangang 78 ka mga pasahero kada flight sa airport ug ang maong gidaghanon wala miubos maski pa nga nahuman na ang peak season.

 

Ang kagamhanang probinsiyal gaplano usab sa pagtrabaho sa wireless local area networking aron mapadali ang tanang matang sa komunikasyon sa probinsiya.

ASEAN Opportunities.jpgPrograma sa kabataan

 

Alang sa kahanas sa pinulongan, giingon ni Romualdo nga mag-abri sila ug usa ka speech laboratory karong Setyembre “to give exact pronunciation and diction; to prepare for ASEAN (aron matudluan sa tukmang linitokan ug diksiyon; aron makaandam para sa ASEAN).”

 

Ang maong nga laboratoryo sugdan sa mga central nga mga tunghaan ug sa sunod tuig, ang kagamhanang probinsiyal nagtumong nga mabutangan sa maong pasilidad ang tanang tunghaan sa Camiguin lakip na usab sa mga barangay.

 

Aduna usab mga programa sa panglawas nga iimplementar aron mas mapaubos pa sa 4 porsiyento ang malnutrisyon sa mga kabataan sa probinsiya ngadto na sa 1 porsiyento.

 

“We have plenty of things to do in Camiguin, so many things to do that every life of the Camiguingnon will be worth for (Aduna kita’y daghang buhaton sa Camiguin, daghan pang mga buhaton nga bililhon sa matag usa ka kinabuhi sa Camiguingnon,” gipahimug-at ni Romualdo.(RTP/PIA10)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s