Cebuano News: Camiguin gasiguro sa suporta sa ASEAN info nga kampanya

Standard

MAHINOG, Camiguin, August 30 (PIA) – Ang mga lokal nga opisyales diri gisiguro ang ilang suporta sa mga kampanya kabahin sa Association of Southeast Asian Nations (ASEAN) nga impormasyon nga gipangulohan sa Philippine Information Agency (PIA) niadtong Agosto 25 sa ASEAN Info Kiosk Launching sa pantalan sa Benoni.

 

Si Mambajao Vice Mayor Roldan Chan miingon nga ang maong kiosk dili lamang makatabang sa mga turista sa lugar kay mamahimo usab kining dakong tabang sa mga estudyante sa ilang research, assignments ug uban pang kalihokan.

 

Iya usab gidugang nga sa pagmugna sa maong kiosk, dili na maglisud ang mga magtutudlo sa pagpaambit ug kahibalo sa ilang mga estudyante.

 

“The kiosk will also bring closer to the people the government plans, programs and projects (Ang maong kiosk magpaduol sa mga plano, programa ug proyekto sa gobyerno ngadto sa mga katawhan),” giingon ni Chan.

ASEAN Info Kiosk in Camiguin Seaport

Sa iyang bahin, si Mahinog Municipal Mayor Rogerio Acle miingon nga ang kagamhanang lokal mapasalamaton nga gimugna sa PIA ang maong kiosk sa ilang lugar kay makatabang kini sa pagpaila sa Camiguin ug sa mga kinaiyahan niini.

 

Miingon usab si Acle nga ang probinsiya, gikan sa mga opisyales sa kinatas-ang posisyon padulong na sa lebel sa barangay, kanunay nga gasuporta sa mga kalihokan sa ASEAN kay gatabang usab kini nga abrihan ang mga ganghaan sa mga kahigayonan sa lugar.

 

Ang kiosk nga gilusad sa pantalan sa Benoni mao ang ika-92 nga kiosk nga gitukod sa tibuok nasud sa PIA aron mapahait pa ang kahibalo sa ASEAN, ug ang socioeconomic ug kultural nga benepisyo nga makuha sa nasud sa maong asosasyon.(RTP/PIA10)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s