Cebuano News: NEDA gapatugbaw sa Camiguingnon ekonomikong kalambuan, direksyon sa ASEAN forum

Standard

MAMBAJAO, Camiguin, August 30 (PIA)—Aron ilatad ang pudasyon para sa inklusibong tubo, taas nga kompiyansa sa katilingban ug dili palupig nga kahibalo sa ekonomiya sa probinsiya, ang National Economic Development Authority (NEDA)-10 midalit sa AmBisyon Natin 2040 sa ASEAN Multi-Sectoral Forum niadtong Agosto 25 sa Provincial Convention Center.

 

Si Peleta Abejo, senior economic development specialist sa NEDA-10, miambit nga ang maong dugay nga panglantaw para sa nasud nagpatugbaw sa “Malasakit” o pagpaayo sa katilingbanong panapton, “Pagbabago” o inequality-reducing transformation ug ang “PAtuloy na Pag-Unlad” o ang pag-umento sa growth potential.

 

Sa probinsiya, miingon si Abejo nga ang kasarangang gross domestic product muabot sa 6.3 nga porsyento ang gikan sa tulo, usa lamang ang matawag nga Camiguingnong kabos nga aduna’y ubos sa P1,000 ang binulan nga pangita.

 

Aron mamahimong dili kabos, matag bubong kinahanglang mukita ug P21,678 kada tuig.

 

Ang NEDA-10 mi-asoy nga aduna’y 22-23 nga porsyentong pagkunhod sa kapobrehon ug 24.9 nga porsyento padulong sa muminus pa sa 20 nga porsyentong pagkunhod sa kawala’y trabaho sa Camiguin.

Support to SGDs

Kung hisgutan ang pagdasig sa mga Camiguingnon sa pag-alima ug maayong kinabuhi, gihisgot ni Abejo ang 17 ka mga tuyo para sa malahutayong kalambuan nga naglakip sa wala’y kapobrehon, wala’y kagutom, maayong panglawas ug well-being, kalidad nga edukasyon, gender equality, limpyong tubig ug sanitasyon, maapord ug limpyong enerhiya, desenteng trabaho ug ekonomikong pagtubo, industriya, inobasyon ug imprastraktura.

 

Iya usab gidugang ang malahutayong lungsod ug komunidad, responsableng konsumo ug produksyon, aksyon sa klima, kinabuhi ilalum sa tubig, kinabuhi sa yuta, kalinaw, hustisya ug kusgang institusyon, ug panag-uban para sa mga tuyo.

 

Sa AmBisyon Natin 2040, gilantaw sa NEDA ang nasud sa umaabot nga 2040, mamahimong mauswagon nga gilangkuban sa middle-class nga katilingban diin wala ni usa kay kabos. Ang mga katawhan magpahimulos sa taas ug baskog nga kinabuhi, utokan ug adelantado, ug mupuyo sa usa ka taas nga pagsalig nga katilingban.”(RTP/PIA10)

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s