Cebuano News: Juvenile justice nga komite gamugna’g sultihay sa Camiguin

Standard

MAMBAJAO, Camiguin, September 27 (PIA) – Aron mahibaloan ang naabot sa implementasyon sa Republic Act 10630 o ang akto sa pagpahingusog sa juvenile justice system sa nasud, ang Regional Juvenile Justice and Welfare Committee (RJJWC) sa amihanang Mindanao nagpahigayon sa Juvenile Justice Administration Dialogue with the Five Pillars of Juvenile Justice System niadtong Setyembre 22 sa Villa Paraiso Resort and Apartelle, diri.

Si Hacelyn Barrero sa Department of Social Welfare and Development (DSWD) Field Office 10 miingon nga ang sultihay nagtumong nga marebyo ang giilang kagawian ug probisyon sa Revised Implementing Rules and Regulations, ug mabisitahan usab ang papel ug lihok sa mga nagkalain-laing hingtungdan sa pagdala sa Child in Conflict with the Law (CICL).

Miingon usab si Barrero nga ang maong kalihokan gihimo usab nga benyu aron mahisgotan ang mga programa ug serbisyo lakip na ang pagpugong, pagrekober, paghiusa, pagrehabilitasyon ug pagprobisyon sa alternatibong proteksyon ug tabang sa maong madutlanong sektor.

hqdefault.jpgMuabot sa 70 ka mga Local Government Unit (LGU) registered social workers nga gadala sa mga court related nga mga kaso particular na sa CICL ug Children at Risk (CAR) sama sa Philippine National Police (PNP), prosecutors, Regional Trial Court (RTC) judge, Public Attorney’s Office (PAO) nga mga abogado ug Barangay Council for the Protection of Children (BCPC) ang nisalmot sa maong sultihay.

Giingon pa ni Barrero nga ang maong kalihukan importante aron masiguro nga ang mga gaimplementar sa balaod labi na kadtong gadala sa mga court related ug CICL nga mga kaso kahibalo gayud sa pamalaod para sa kabataan.

Sa iyang bahin, si Department of Justice (DOJ)-10 Assistant City Prosecutor Lawyer Ruby Malanog naghisgot sa mga giiliang kagawian sa RA 9344 o ang Juvenile Justice and Welfare Act of 2006 ug gitaa’g duot nga ang pinakainteres sa bata mao ang pinakaunang gikonsiderar sa maong akto.

Iyang gipasabot nga ang maong interes naglakip sa kinatibuk-ang sirkumstansiya nga pinakahaum sa pagkabuhi, proteksyon ug gibating seguridad sa bata, ug ang pinakamadasigon sa pisikal, sikolohikal ug emosyal nga kalambuan.

Ang JJWC usa ka gahimo’g palisiya, gakoordinar ug gamonitor nga komite nga gitagaan ug tahas nga iimplementar ang RA 10630. Ang pagmugna sa mga sultihay ug lain pang adbokasiya nga kampanya pipila lang sa mga pamaagi sa komite aron mapahingusgan ang tinabangay nga paglimbasog sa mga nagkalain-laing hingtungdan para sa interes sa mga pobreng CICL.(RTP/PIA10)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s