Cebuano News: Pulis sa Camiguin gapahimangno karong ‘Undas’

Standard

CAMIGUIN, October 30 (PIA) – Ang Camiguin Provincial Police Office (CPPO) gapahimangno sa mga lumulupyo sa probinsiya sa mga angay timan-an sa pagsaulog sa Kalag-Kalag aron masiguro ang kaluwasan ug seguridad.

 

Sa dili pa biyaan ang balay, ang CPPO nagpadumdum nga ikandado ang balay aron dili masudlan sa kawatan, nakasira ang gas stove ug wala nakapansak ang appliance o gamit, ug nakasara ang gripo.

 20171102d

Samtang gaduaw sa menteryo, gi-awhag sa CPPO ang pagdala sa pagkaon ug tubig, ug payong o kalo aron proteksyon sa kainit sa adlaw.

 

Ang mga makahubog nga ilimnon, ha-it nga butang sama sa kutsilyo, loud speaker ug baraha nga gamitong pangsugal gidid-an pagpadala sulod sa menteryo. Gipadumduman usab ang mga ginikanan nga bantayan kanunay ang ilang mga anak nga dili magdula sa posporo ug uban pang butang nga makaingon ug sunog.

 

Ang publiko gi-awhag usab nga tud-on ang lokasyon sa first aid station ug Philippine National Police (PNP) Assistance Hub alang sa mga emerhensiya.

 

Alang sa laing kalabotan, ang CPPO matawagan sa 387-1052 o 09985986906.(RTP/PIA10)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s