Cebuano News: Camiguin gapaila sa bag-ong ‘tourism ad’

Standard

CAMIGUIN, October 30 (PIA) – Aron makadani nga damhon ang Camiguin, ang opisina sa turismo niini naglusad sa bag-ong pahinumdon sa turismo nga gi-ulohang, “No Words,” niadtong gibuksan ang 38th Lanzones Festival, Oktubre 22 sa Congressman Pedro P. Romualdo Tourism and Sports Complex sa Mambajao.

 

Ang maong video dungan usab nga gibutang sa Facebook page, Camiguin Tourism Office, aron makakab-ot ug mas daghan pang manan-away ug turista nga mubisita sa isla.

 

come-visit-explore-and-feelcamiguin_1508970014-b.jpgMatud pa ni Provincial Tourism Officer Candice Naome Dael, ang maong video, nga gikomisyon sa kagamhanang lokal sa Camiguin ug gihuna-hunaan sa usa ka grupo sa mga millenial, nagpaila sa bag-ong kampanya sa turismo mao ang #FeelCamiguin. Ang kampanya nagtumong nga dasigon ang mga tao nga anhaon ang Camiguin ug mag-usisa sa probinsiya sa ilang kaugalingon.

 

Ang grupo nga likod sa pagbuhat sa video nagtumong nga maghatag ug bag-ong nga diskarte aron mapaila ang isla pinaagi sa pagpakita nga sa paglaag sa Camiguin, dinuyugan sa tanang nindot nga kaagi nga mahatag niini, mahabiling wala’y maistorya ang usa ka tao.

 

Ang maong video nagsaysay sa istorya sa usa ka sabaan nga turista nga bag-o lang nakabisita sa isla, nabati nga mingaw ang lugar ug nakakita’g tour guide nga amang. Sa ilang pagsuroy-suroy sa isla, natagaan ug higayon ang turista nga mabati ang kanindot sa Camiguin uban na ang nindot nga mga dagat, tubod, busay, maabi-abihong mga tao ug tam-is nga Lanzones.

 

Gisaysay ni Dael nga ang ‘hash tag’ Feel Camiguin nga kampanya usa sa ilang pamaagi aron mapatuo ang mga turista nga wala’y makalupig sa kasinatian sa Camiguin.(RTP/PIA10)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s