CAMIGUIN, November 13 (PIA) – Aron i-organisar ug himanan ang daghan pang lalaki sa tibuok probinsiya, kinsa wala lamang gadumot sa violence against women (VAW) pero sugot usab nga aktibong mukampanya ug mutrabaho paingon na sa pagpuhag niini, ang Camiguin Police Provincial Office (CPPO) nagpahigayo’g seminar sa ilang lalaking personahe sa Men Oppose to VAW Everywhere (MOVE) niadtong Nobyembre 4 sa Camp Bonifacio Aranas, Baylao, Mambajao.
Si Guinsiliban Municipal Police Station OIC PInsp Webb Itum Bajenio miingon nga gimugna nila ang kampanyang MOVE ikaduha sa usa ka tuig sa mga lalaking personahe sa police sa tibuok probinsiya tungod ang VAW nitungha isip usa sa mga makaylapon nga katilingbanong problema sa nasod.
Mudagan sa 25 nga mga lalaking pulis ang nisalmot sa maong pasinati, diin gihisgotan ang pagmuga sa kinatibuk-ang kalalmbigitan ug aksyon sa pagwagtang sa VAW, paghimo ug panag-uban ug koneksyon sa pare-parehong grupo nga galihok sa VAW, ug pagtukod ug kahinguhaang network sa VAW.
Niadtong 2006, ang Philippine Commission on Women (PCW) nitabang sap ag-organisar sa MOVE- us aka organisasyon sa mga lalaki nga nagpasalig sa ilang aktibong kalambigitan sa pagwagtang sa VAW. Ang MOVE aduna’y mga lalaking miyembro gikan sa nagkalain-laing organisasyon, pribadong sektor, academe ug non-government organizations (NGOs).(RTP/PIA10)
