Cebuano News: DOLE-X gahatag ug P1M alang sa panginabuhiang proyekto sa Camiguin

Standard

GUINSILIBAN, Camiguin, December 1 — Ang Department of Labor and Employment (DOLE-X)- Camiguin Provincial Field Office (Cam PFO) bag-ohay lang mihatag sa Kabuhayan Program financial grants nga mukabat sa P1,102,755 alang sa unom ka mga benepisyaryong organisasyon sa Cantaan Centennial Multi-Purpose Cooperative (CCMPC).

Si DOLE-Cam PFO Chief Emmanuel G. Toledo miingon nga ang pinansyal nga hinabang gihatag alang sa mga proyekto sa motor parts (P250,000), agricultural business (P200,000), backyard piggery livelihood (P130,000), deep sea fishing (P250,000), fish vending (P110,000), and amakan making and consumer store project (P162,755).

20180103v

Si Lourdes D. Navida, usa sa mga benepisyaryo sa fish vending livelihood project miingon, “Salamat kaayo sa DOLE kay niabot na gyud and among hinabang sa gobyerno aron makatabang sa among panginabuhian.”

Gasalig lamang sa iyang retirement pension, si Navida miingon nga kinahanglan kaayo niyang mapadako pa ang iyang pangita aron makasuporta sa panginahanglanon sa iyang pamilya labi na sa ilang pangkaon adlaw-adlaw, mga sukaranong bayrunon ug bahog sa mga binuhing hayop.

Maski pa nga kini ang unang higayon nga nakadawat ug pinansyal nga hinabang sa gikan DOLE, si Navida naglaum nga ang ilang asosasyon makasugakod gayod sa proyekto aron makatabang usab sila sa katilingban sa umaabot nga panahon.

Gipasabot ni Toledo nga ang proyekto gipundohan sa DOLE Integrated Livelihood and Emergency Employment Program (DILEEP) nga gadasig ug self-employment aron makahatag ug pangitang oportunidad sa angayang benepisyaryo.

Ang CCMPC usa ka aktibong Accredited Co-Partner (ACP) sa DOLE nga nakaimplementar na ug nwebe ka mga proyektong panginabuhian sa nagkalain-laing asosasyon ug usa usab kini ka regional winner para sa Best DOLE Assisted Livelihood Group Project alang sa CY 2016.(Jovelyn V. Perez/RTP/PIA10)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s