Cebuano News: DOST gipatas-an ang kaamgohan sa DRRM sa Camiguin

Standard

MAHINOG, Camiguin, May 17 (PIA) — Uban ang tema nga, “Awareness, Collaboration and Moving Forward,” ang Department of Science and Technology (DOST)- Camiguin Provincial Office bag-ohay gipahigayon ang Disaster Risk Reduction and Management (DRRM) Forum sa Queobe Training Center, kung asa gipakita ang mga resulta sa gitun-an sa Manila Observatory diin ang Camiguin nag-una sa mga probinsiya nga risgo sa katalagman sa kinaiyahan.

Si Provincial Science and Technology Director- Camiguin/Senior Science Research Specialist Miriam A. de la Plaza niingon nga kaning mga kalihukan nga panag-uban sa local na kagamhanan sa Guinsiliban ug Mahinog kay parte sa Community Empowerment thru Science and Techonology (CEST).

Gisaysay usab ni Angelo Bang, residente nga volcanologist sa Philippine Institute of Volcanology and Seismology (PHILVOCS) Hibok-Hibok Volcano Observatory Station, nga ang Camiguin nag-una sa mga probinsya nga risgo sa volcanic eruptions ug ika-nuwebe sa mga lugar nga risgo maigo ug tsunami.

RTP20180517c“Camiguin has the highest risk because the land area is so small such that a volcanic eruption can affect the whole province (Ang Camiguin mao’y pinakadakong risgo tungod kay gamay ra ang land area niini busa maapektuhan na ang tibuok probinsiya kung mubuto ang bulkan),” ingon ni Bang.

Iyang gipahibalo nga dapat nakaamgo ang mga Camiguingnon sa lugar diin aduna’y mga volcanic hazards lakip ang mga steam blasts, glowing avalanches, lava flows ug lahar.

Nihisgot pud siya nga atong mga niagi nga tuig, aduna na’y dagko nga pagbuto gikan sa taluktok sa bulkang Hibok-Hibok human gisundan kini ug usa ka semanang lagiting nga linog. Mao dapat ang mga Camiguingnons kanunay andam kung mausab ang panghitabo.

Sa parte ni Engr. Anianita Fortich sa Philippine Atmospheric Geophysical and Astronomical Services Administration (PAGASA) gipasabot niya nga ang hydrometeorological hazards nga gaapekto sa probinsya nasinati adtong Nobyembre 7, 2001 diin kusog ug wala’y undang and ulan sulod sa 10 ka oras.

 RTP20180517b

Kini nagresulta sa mga flash floods nga gadala ug landslide debris gikan sa bato, naibot nga kahoy, nahilos nga yuta gikan sa bukid nga nagtabon sa 134 ka buhi nga residente ug nagdaot sa mga gulayon ug istraktura.

Sa man-made calamities, si FO2 Sherwin Borres sa Bureau of Fire Protection (BFP) Mahinog Station nagsaysay sa mga butang nga dapat buhaton kung duna’y sunog ug kahilwason nga mga sukod nga dapat sundon sa opisina.

Iya usab gipakita ang sakto nga pamaagi sa pagdumala kung duna’y hungaw ang liquefied petroleum gas (LPG) sama sa pagpahimug-at nga ang LPGs dapat nasa gawas kini aron kung na’y aso aron magtipok sa usa ka  tuob na lugar nga mao’y makaingon ug sunog.

Ang mga balay ug establisamento dapat moobserba usab sa tarong nga pagsulay ug angay nga pagsustento sa tanang ekipo para masigurado nga wala’y hungaw ang hose.(RTP/PIA10)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s